Հարգելի MARI, բարև Ձեզ: Ձեզ մոտ միոմաները մեծ չեն, սակայն, եթե պատրաստվում եք հղիանալ, ցանկալի է հեռացնել, քանի որ հղիության ընթացքում կարող են մի շարք բարդություններ առաջանալ: Ձեր դեպքում ավելի ցանկալի է լապարոսկոպիկ  եղանակով հանգույցների հեռացումը, քանի որ երիտասարդ եք, բացի այդ բաց վիրահատությունը կպումների առաջացման ռիսկ է: Որոշ դեպքերում հնարավոր է ոչ մի բարդություն էլ չլինի, շատ կանայք հղիանում և ծննդաբերում են արգանդի միոմայով, եթե իհարկե խոսքը ոչ մեծ միոմաների մասին է:

Հարգելի Սուսաննա, բարև Ձեզ: Կախված է միոմաների չափերից և դրանց տեղակայումից: Բացի այդ Դուք երիտասարդ չեք, և եթե դեռ հղիություն չեք ունեցել գործն ավելի է բարդանում: Արգանդի միոմայի դեպքում հնարավոր է հղիանալ, սակայն հղիանալու դեպքում դա բարդացնում է ընթացքը: Ցանկալի է կատարել կոնսերվատիվ միոմէկտոմիա, դա վիրահատություն է, որի ժամանակ արգանդի պատից հեռացվում են միոմատոզ հանգույցները:

Հարգելի'  կայքի այցելուներ, տեխնիկական պատճառներով հարցերին պատասխանելը ժամանակավորապես հնարավոր չէր, և որոշ հարցեր, որոնց պատասխանելն այլևս ակտուալ չէ, հեռացվել են կայքից: Խնդրում ենք, եթե Ձեր հարցերը դեռևս ակտուալ են, նորից գրել:  Հայցում են Ձեր ներողամտությունը պատճառված անհարմարության համար:

Հարգելի ARMINE BALOYAN, բարև Ձեզ: Պարտադիր չէ, որ արգանդի միոմա ունեցող կինն ունենա գանգատներ, սակայն նման չափերի դեպքում անկախ գանգատներից վիրահատություն միանշանակ հարկավոր էր: Վիրահատությունից հետո երկու ամիս չի կարելի ունենալ սեռական հարաբերություն: Երկու ամիսը լրանալաուց հետո նորից այցելեք Ձեր վիրահատող բժշկին, եթե հեշտոցի կճատի վերքն ամբողջությամբ լավացել է և չկան բարդություններ, արդեն կարելի է սեռական կյանքով ապրել:

Հարգելի ANI, շատ կարևոր է պարզել միոմայի տեղակայումը, որից կախված է բարդությունների հավանականությունը և հղիության ընթացքը: Հարկավոր է անընդհատ գտնվել մանկաբարձ-գինեկոլոգի հսկողության տակ, քանի որ ինչպես նշել ենք, արգանդի միոման, այն էլ այդպիսի չափերի զգալիորեն բարդացնում է հղիության ընթացքը, դինամիկ հսկողությունը Ձեր դեպքում պարտադիր է:

Հարգելի ANI, բարև Ձեզ: Ձեզ մոտ առկա է բավականին մեծ չափերի միոմա, և կախված նրանից թե որտեղ է այն տեղակայված կարող է առաջացնել մի շարք բարդություններ: Ձեր հղիությունը բարձր ռիսկային է, և հարկավոր է անընդհատ գտնվել մանկայաբարձ- գինեկոլոգի հսկողության տակ, բարդություններից խուսափելու համար: 

Հարգելի MARIA, եթե միոման ոչ մեծ չափերի է և չունի կլինիկական դրսևորումներ, ապա անհանգստանալու կարիք դեռևս չկա: Ձեզ մոտ միոման մեծ չէ և ունի ինտրամուրալ տեղակայում: Խորհուրդ է տրվում գտնվել գինկեկոլոգի հսկողության տակ:

Հարգելի Անուշ, կախված է, թե միոման ինչ տեղակայում ունի: Եթե այն տեղակայված է ենթալորձային կամ ներպատային` առաջացնում է արգանդի խոռոչի դեֆորմացիա, որը առաջին հերթին խոչընդոտ է բեղմնավորված ձվաբջջի իմպլանտացիայի համար: Արգանդի միոմայի դեպքում մեծանում է նաև արգանդի լարվածությունը` տոնուսը, որը նույնպես ցանկալի չէ: Միոմայի առկայությունը անմիջականորեն չի ազդում պտղի վրա, սակայն զգալի չափով բարդացնում և ռիսկային է դարձնում հղիությունը

Հարգելի Alina Grigoryan, Ձեր հարցի պատասխանը տեսեք հետևյալ հոդվածի տակ.

https://www.med-practic.com/arm/59/24924/article.more.html

Հարգելի Կարինե, միոմայի բարդությունները և բուժման անհրաժեշտությունը կախված է նրա չափերից, տեղակայումից, ինչպես նաև այն բանից, թե կա արդյոք միոմատոզ հանգույցի սնուցման խանգարում և ցավային համախտանիշ: Ներպատային տեղակայված,ոչ մեծ չափերի և արգանդի խոռոչի դեֆորմացիա չառաջացնող հանգույցները սովորաբար բարդություններ քիչ են առաջացնում: Բարդությունների դեպքում բուժումը վիրաբուժական է: Կա կոնսերվատիվ բուժման մեթոդ, նորագույն դեղ է որը կանգնեցնում կամ դանդաղեցնում է հանգույցի մեծացումը: Հարկավոր է օգտագործել Ձեր բժշկի խորհրդով և անընդհատ լինել հսկողության տակ: Հնարավոր է, որ ժամանակի ընթքացքում այն այլևս չմեծանա և վիրահատության կարիք չլինի:

HARGELI BJISHK YES 36 TAREKAN EM MOT 3 AMIS E ACHQERIS TAK AYTUCNER EN ARAJACEL U SPITAKUM EN YES TXAMASHK EM TARBERUTYUN@ AKNHAYT E INCH@ KLINI PATCHAR@ XNDRUM EM INDZ UXXUTYUN TAQ INDZ MOT DASHTANAYIN CIKLN EL 19-20 OR@MEK E LINUM CHGITEM KAP UNEN IRAR HET????XNDRUM EM PATASXANEQ KANXAV SHNORHAKALUTYUN

Հարգելի MARINA, Ձեզ բուժող գինեկոլոգն ավելի լավ խորհուրդ կտա այդ հարցում, քանի որ  նա տեղյակ է Ձեր խնդրի և միոմայի զարգացման փուլի մասին: Ճիշտ կլինի նրան դիմեք արյունահոսություններից և այլ խնդիրներից խուսափելու համար:

Հարգելի Անի, դեմ լինել դեղերին սխալ մտածելակերպ է և ոչ արդարացված: Եթե գինեկոլոգներից երկուսը կարծում են, որ ոչինչ անելու կարիք չկա, ուրեմն, կարծում եմ, հարկավոր է վստահել նրանց:

Հարգելի Լուսինե, արև Ձեզ, բավականին ժամանակ է անցել, Դուք պետք է անպայման կրկնեք հետազոտությունները և պարզեք այս պահին իրավիճակը, ըստ այդմ մասնագետը համապատասխան եզրահանգման կգա:

Հարգելի ALINA, բարև Ձեզ, հիդրոնեֆրոզի դեպքում կարող է գանգատներ չլինել, քանի դեռ նրա չափն այնքան մեծ չէ, որ սեղմի երիկամի պատիճին և առաջացնեն ցավեր՝ երիկամային խիթին բնորոշ: Ճնշման բարձրացումն էլ կարող է ընդհանուր ոչինչ չունենալ հիդրոնևֆրոզի հետ, կարող է և ունենալէ՝ կախված հիդրոնևֆրոզի ծագումնաբանությունից: Հարկավոր է հետազոտություն և ստանալ համապատասխան բուժում՝  կանխելու հետագա բարդությունները:

Հարգելի Anna, շատ կարևոր է, թե միոման ինչ տեղակայում ունի՝ արգանդի մկանային շերտի ներսու՞մ, արգանդի խորոչու՞մ, թե՞ արգանդից դուրս: Նաև կարևոր է բջջաբանական հետազոտության արդյունքները, իհարկե՝ նաև մեծությունը: Այս բոլոր հետազոտությունների արդյունքում միայն որոշվում է վիրահատության ընթացքը: